കോട്ടുകാൽ
ഗ്രാമ പഞ്ചായത്ത്

എല്ലാ വിഭാ​ഗങ്ങളിലും ചികിത്സാസൗകര്യങ്ങൾ ഉറപ്പുവരുത്തുന്നതിന് വേണ്ടി 1994 ലെ കേരള പഞ്ചായത്ത് രാജ് നിയമം വകുപ്പ് 173A പ്രകാരവും 2010 ലെ കേരള പഞ്ചായത്ത് രാജ് (പൊതുജനാരോഗ്യ സ്ഥാപനങ്ങൾക്ക് വേണ്ടിയുള്ള മാനേജിങ് കമ്മിറ്റികൾ) ചട്ടങ്ങൾ പ്രകാരവും പഞ്ചായത്തുകളുടെ ചുമതലയിലുള്ള ആശുപത്രികളിൽ ആശുപത്രി മാനേജിങ് കമ്മിറ്റികൾ രൂപീകരിക്കപ്പെടുന്നു.

പഞ്ചായത്തിന്റെ കാലാവധി അവസാനിക്കുന്നതോടൊപ്പം എച്ച്.എം.സി യുടെ കാലാവധിയും അവസാനിക്കുന്നതാണ്. ഒഴിവുകൾ ഉണ്ടാകുന്ന മുറയ്ക്ക് പഞ്ചായത്ത് പുതിയ അംഗങ്ങളെ നാമനിർദ്ദേശം ചെയ്ത് ഒഴിവുകൾ നികത്തണം.

ആശുപത്രികളുടെ വികസനത്തിനും ഭരണപരമായ തീരുമാനങ്ങൾ കൈക്കൊള്ളുന്നതിനും എച്ച്.എം.സി ക്ക് അധികാരമുണ്ട്. മൂന്ന് മാസത്തിലൊരിക്കൽ യോഗം ചേരുകയും വരവ് ചെലവ് കണക്കുകളും രേഖകളും സൂക്ഷിക്കുകയും വേണം.

സംസ്ഥാന ഓഡിറ്റ് വകുപ്പിന്റെ ഓഡിറ്റിന് വിധേയമായാണ് കണക്കുകൾ പരിശോധിക്കപ്പെടുന്നത്.